Vokalisti i “Coldplay” komenton skandalin në koncertin e tij: Nëse nuk jeni gati të dilni në lajme ndërkombëtare, ju lutem shmanguni

Rozë

Gazeta Express

21/08/2025 8:43

Vokalisti i “Coldplay”, Chris Martin, ka folur për incidentin famëkeq të ‘puthjes në kamerën’ që u bë një nga momentet më virale të vitit pak më shumë se një muaj më parë.

Si kujtesë, një video e një çifti të kapur duke kaluar një moment intim në një koncert në Boston u bë shpejt virale, me ‘detektivët e internetit’ që zbuluan shpejt se të dy ishin CEO dhe drejtoresha e Burimeve Njerëzore e kompanisë teknologjike ‘Astronomer’.

Edhe pse Martin bëri shaka për çiftet në audiencë në shfaqjet pasuese, ai kishte shmangur komentet e drejtpërdrejta mbi skandalin deri këtë javë.

Kjo ndryshoi të hënën, më 18 gusht, në një koncert në Hull.

@newsweek Chris Martin said #Coldplay is committed to continue using of a “kiss cam” during a concert in Hull on August 19, and jokingly addressed the awkward moment the camera stirred controversy when it captured a CEO and his colleague in an embrace. #news #newsweek #coldplaykisscam ♬ original sound – Newsweek

Ndërsa lexonte pankartat e turmës, vuri re një fans i cili shkroi se e kishte parë grupin “tri herë në tre muaj”, përfshirë koncertin kontrovers të Bostonit.

“Ti ishe në atë koncert të Bostonit”, tha Martin. “Epo, në rregull, faleminderit që u ktheve pas atij rasti”.

Këngëtari më pas vazhdoi: “Ne kemi bërë Jumbotron për një kohë të gjatë dhe vetëm kohët e fundit u bë… po. Jeta të hedh limonë dhe ti duhet të bësh limonadë. Kështu që ne do të vazhdojmë ta bëjmë sepse do të takojmë disa prej jush”.

Më pas, Martini lëshoi një paralajmërim për audiencën, duke iu referuar skandalit.

“Kjo quhet jumbotron dhe ne e kemi bërë këtë për një kohë të gjatë, zgjedhim njerëz për t’i përshëndetur dhe ndonjëherë ata rezultojnë të jenë një skandal ndërkombëtar”, shtoi mes tjerash.

“Por shumicën e kohës thjesht përpiqemi t’u themi përshëndetje disa njerëzve, kaq është. Tani të gjitha këto gjëra”, tha ai duke qeshur, duke shtuar: “Do të bëjmë kamerën tonë të puthjeve… Kështu që nëse nuk jeni gati të jeni në lajmet ndërkombëtare, ju lutem shmanguni”. /Telegrafi