VMRO-DPMNE: Filipçe nuk ndjen përgjegjësi për kolapsin në shëndetësi

Maqedoni

Gazeta Express

27/05/2025 11:58

Ndërkohë që Venko Filipçe përpiqet dëshpërimisht të rikthehet në skenën politike dhe të pozicionohet si lider partie, ai ka dëshmuar qartë se nuk e ka aspak prioritet mirëqenien e qytetarëve, e aq më pak përgjegjësinë për dëmet e shkaktuara në sistemin shëndetësor gjatë mandatit të tij si ministër.

Sipas VMRO-DPMNE, Filipçe ka qenë një nga ministrat më të dobët të Shëndetësisë në historinë e vendit. Gjatë kohës së tij në detyrë, buxheti i shtetit është dëmtuar nëpërmjet skemave të dyshimta, me një vlerë që tejkalon 2.2 miliardë denarë, ose mbi 35 milionë euro. Megjithatë, ai nuk ka dhënë asnjë shenjë reflektimi apo përgjegjësie për këtë dëm të madh ekonomik dhe institucional.

Akompania e tij me skandalin në Klinikën e Onkologjisë mbetet një nga njollat më të errëta të drejtimit të tij. Terapia onkologjike, në vend që të përfundonte tek pacientët që kishin më së shumti nevojë për të, është zhdukur në mënyrë kriminale dhe raportohet se një pjesë e saj ka përfunduar në tregun e zi në Kosovë. Ndërkohë, mijëra qytetarë janë prekur drejtpërdrejt ose tërthorazi nga ky skandal, shumë prej të cilëve kanë humbur të dashurit e tyre apo janë përballur me pasoja të rënda shëndetësore dhe emocionale.

VMRO-DPMNE thekson se Filipçe nuk ka ndjerë përgjegjësi as për kolapsin e sistemit të kujdesit shëndetësor gjatë qeverisjes së LSDM-së. Mungesa e terapive, ilaçeve jetike, sistemit efikas të caktimit të termineve, si dhe eksodi masiv i mjekëve dhe personelit shëndetësor, janë dëshmi e qartë e një dështimi të plotë institucional dhe etik.

Sipas VMRO-DPMNE, qëllimi i vetëm i Filipçes është rikthimi në politikë për të vazhduar të njëjtën praktikë të tenderëve të dyshimtë, komisioneve nën dorë dhe marrëveshjeve të fshehta me Zoran Zaevin dhe rrjetin e tij politik.