Vizitoi pa leje Kullën Eiffel, notarja braziliane përjashtohet nga Lojërat Olimpike – u tradhtua nga fotot

Sport

Gazeta Express

31/07/2024 8:09

Pjesëmarrja në Lojërat Olimpike është një mundësi e madhe dhe një moment unik në jetën e çdo sportisti. Megjithatë vjen e shoqëruar edhe me një sërë përgjegjësish që dy notarë brazilianë nuk i kanë përmbushur.

Sportistja Ana Vieira dhe partneri i saj, Gabriel Santos, kanë thyer kodin e disiplinës dhe kanë marrë një sanksion nga Komiteti Olimpik Brazilian.

Këtë e ka bërë të ditur vetë COB, e cila ka raportuar se ata janë larguar nga vendbanimi gjatë këtyre ditëve për të vizituar pa autorizim Kullën Eifel.

Ata janë “tradhtuar” nga fotot, të cilat më pas i postuan në rrjetet sociale pa asnjë shqetësim, madje duke e ditur se po bënin diçka të ndaluar.

Kreu i delegacionit brazilian mori vendimin përkatës. Ana Vieira është përjashtuar dhe është kthyer në Brazil, ndërsa Gabriel Santos është ndëshkuar vetëm me qortim.