Vizita e Hashim Thaçit, vëllezërit e tij e panë nga larg, bashkë me qytetarët që ishin mbledhur te QKUK’ja

Lajme

Gazeta Express

13/03/2025 23:43

Ish-presidenti i vendit, Hashim Thaçi sot qëndroi për vizitë në Kosovë.

Thaçi derisa takoi nga afër babanë e tij të sëmurë në Qendrën Klinike Universitare të Kosovës (QKUK), jashtë saj po qëndronin përkrahë shumë qytetarëve, vëllezërit e tij.

Ish- presidentit Thaçi përveç babait, iu lejua të vizitonte edhe nënën dhe gruan e tij.

 Ai u lejua të qëndronte përkrahë tyre përreth 4 orë.

Kujtojmë se që nga nëntori i vitit 2020, ish-Presidenti i Kosovës, Hashim Thaçi ndodhet në paraburgim në Hagë, pasi ndaj tij rëndojnë akuzat për krime lufte dhe krime kundër njerëzimit.

Ish-krerët e Ushtrisë Çlirimtare janë deklaruar të pafajshëm.