Vitia falënderon infermierët dhe mamitë: Jeni mburoja më e fortë e shëndetit tonë - Gazeta Express

Vitia falënderon infermierët dhe mamitë: Jeni mburoja më e fortë e shëndetit tonë

Lajme

Gazeta Express

07/04/2020 15:51

Në Ditën Ndërkombëtare të Shëndetit, ministri i Shëndetësisë, Arben Vitia, ka shprehur mirënjohje për infermierët dhe mamitë e Kosovës.

Vitia i ka cilësuar ata si mburojë të shëndetit të qytetarëve, puna e të cilëve tha se sot është para syve të gjithë vendit dhe botës, si kurrë më parë.

“Nuk ka fjalë të mjaftueshme për të shprehur respektin e thellë ndaj punës suaj të përditshme, punë të cilën tani më shumë së kurrë e kanë para syve të tyre e gjithë shoqëria në vend dhe botë. Ju jeni pa dyshim mburoja më e fortë për mbrojtjen e shëndetit të qytetarëve tanë, sistemit tonë dhe e mbështetjes që ua jepni mjekëve dhe profesionistëve të tjerë”, ka shkruar Vitia në Facebook.