Viktima e parë nga COVID-19 në Evropë ishte një serb - Gazeta Express

Viktima e parë nga COVID-19 në Evropë ishte një serb

Lajme

Gazeta Express

23/02/2021 14:54

COVID-19 shkaktoi vdekjen e një burri në Serbi në shkurtin e vitit të kaluar, 10 ditë para se të raportohej viktima e parë nga infektimi në Evropë, nga Franca.

Kështu tregojnë të gjeturat nga një studim nga studiuesit në Beograd, raporton Reuters, transmeton Gazeta Express.

Një punëtor i ndërtimit 56-vjeçar nga Beogradi, i cili nuk kishte udhëtuar jashtë vendit, u pranua më 5 shkurt të vitit 2020 në spital duke vuajtur nga ethe, kollë dhe gulçim. Ai vdiq brenda disa orësh dhe një autopsi tregoi se pneumonia ishte shkaku i vdekjes.

Muaj më vonë, megjithatë, shkencëtarët në Institutin për Mjekësi Ligjore në Fakultetin Mjekësor të Beogradit, gjetën prova se burri kishte vdekur nga COVID-19.

Milenko Bogdanoviç, një patolog mjeko-ligjor, tha se një studim nga 12 ekspertë, botuar nga revista Frontiers në medicinë javën e kaluar, sugjeroi që COVID-19 ishte i pranishëm në Evropë shumë kohë para se të mendohej më parë.

“COVID-19 ishte ndoshta shkaku i pneumonisë shumë të raportuar me origjinë të panjohur në janar dhe shkurt të vitit 2020,” shkruajtën shkencëtarët që kryen kërkimin.

Franca raportoi rastin e parë të infektimit të Evropës me koronavirusin SARS-CoV-2 që shkakton COVID-19 më 24 janar të vitit të kaluar dhe vdekjen e parë nga sëmundja më 15 shkurt.

Më shumë se 111 milion raste të COVID-19 janë raportuar globalisht dhe mbi 2,500,000 njerëz kanë vdekur, sipas një llogarie të Reuters.

Infeksionet janë raportuar në më shumë se 210 vende që kur rastet e para u identifikuan në Kinë në dhjetor të vitit 2019.

Bogdanoviç tha se studiuesit morën një mostër të ngrirë të lëngut qelqor të burrit serb i cili mbush hapësirën në kokërr të syrit për të provuar praninë e virusit.

“Për momentin, kjo është vdekja e parë post-mortem e vërtetuar nga COVID-19 në Evropë,” tha Bogdanoviç./Express/