Vijon çmenduria, talebanët përjashtojnë vajzat nga shkollat e mesme - Gazeta Express

Vijon çmenduria, talebanët përjashtojnë vajzat nga shkollat e mesme

Shqiperi

Gazeta Express

18/09/2021 18:01

Talebanët kanë përjashtur vajzat nga shkollat e mesme të vendit.

Ata urdhëruan vetëm djemtë dhe mësuesit meshkuj të ktheheshin në klasë, ndërsa për vajzat morën masën e ashpër të përjashtimit.

Lexo Edhe:

Deklarata e tyre ku paralajmëronte fillimin e sesionit të ri arsimor, nuk përmendte vajzat e gratë por vetëm burrat.

Një nxënëse afgane tha për BBC se ishte e shkatërruar. “Gjithçka duket shumë e errët”, tha ajo.

Pavarësisht premtimeve të talebanëve, kjo është shenja e fundit që Afganistani po kthehet në sundimin e ashpër të viteve 1990.

Në një zhvillim tjetër, të premten talebanët duket se kanë mbyllur ministrinë e çështjeve të grave dhe e kanë zëvendësuar atë me një departament që dikur zbatonte doktrina të rrepta fetare.

Gjatë sundimit të tyre midis 1996 dhe 2001, Ministria për Përhapjen e Virtytit ishte përgjegjëse për vendosjen e të ashtuquajturve polici të moralit në rrugë për të zbatuar interpretimin e rreptë të ligjit fetar islam nga talebanët, i njohur si Sheriati.