Video e jashtëzakonshme nga aksidenti i frikshëm mes Hamiltonit dhe Verstappenit

Sporte tjera

Gazeta Express

15/09/2021 10:02

Federata Ndërkombëtare e Automobilizmit (FIA) e ka publikuar një video mahnitëse nga përplasja mes Max Verstappenit dhe Lewis Hamiltonit në garën e fundjavës në Monza.

Videoja nga një kënd i ri ofron pamje 360 shkallë të aksidentit mes dy vozitësve në rrethin e 26-të të garës Italian Grand Prix, raporton Gazeta Express.

A dramatic new angle on the Hamilton/Verstappen collision#ItalianGP ?? #F1 pic.twitter.com/PvN2KGUbbi

— Formula 1 (@F1) September 14, 2021

Beteja në Formula 1 mes liderit të kampionatit Max Verstappen dhe kampionit në fuqi Lewis Hamilton ka mundur të përfundonte me fatalitet për vozitësin britanik, pas përplasjes mes tyre të dielën.

Shtatë herë kampioni i botës, 36-vjeçar, u godit nga vozitësi i Red Bullit Verstappen por rrethi mbrojtës në kabinën e Mercedesit të Hamiltonit doli të ishte vendimtar.

Të dy vozitësit shpëtuan pa lëndime, por Hamilton është me fat pasi shumë lehtë ka mundur të pësonte rëndë nga ajo përplasje.

Përplasja ndodhi në rrethin e 26 të garës në Monza kur Verstappen po afrohej drejt një kthese me shpejtësi 362kmh.

Verstappen u përpoq ta kalonte Hamiltonin nga ana majtë, por doli nga pista dhe u përplas në britanikun.

Goma e djathtë e formulës së vozitësit holandez e goditi kabinën e formulës së Hamiltonit dhe britaniku shpëtoi vetëm falë rrethit të kabinës, përndryshe do të pësonte një goditje fatale në kokë.

Vlerësohet se Verstappen ishte ai që e shkaktoi përplasjen dhe si pasojë u dënua me tri pozita në garën e ardhshme në Rusi më 26 shtator. /Gazeta Express/