Vetëm rreth 100 anije kanë kaluar Ngushticën e Hormuzit deri më tani – kush po po lejohet të lëvizë

Lajme

Gazeta Express

20/03/2026 10:27

Vetëm pak më pak se 100 anije kanë kaluar përmes Ngushticës së Hormuzit që nga fillimi i marsit, sipas të dhënave të analizuara nga BBC, pavarësisht sulmeve të herëpashershme ndaj transportit detar në këtë zonë nga forcat iraniane.

Ndërsa disa mallra energjetike dhe të përditshme ende po lëvizin përmes një prej rrugëve më të ngarkuara detare në botë, trafiku ditor ka rënë rreth 95% që nga fillimi i luftës me Iranin më 28 shkurt.

Të dhënat e ofruara nga analistët e transportit detar Kpler tregojnë se 99 mjete lundruese kanë kaluar nëpër këtë ngushticë deri tani këtë muaj, me një mesatare prej vetëm pesë deri në gjashtë anijesh në ditë.

Analiza e BBC tregon se rreth një e treta e këtyre kalimeve të fundit janë bërë nga anije me lidhje me Iranin.

Krahasimisht, rreth 138 anije kalonin çdo ditë përmes ngushticës para luftës, sipas Joint Maritime Information Centre.

Rreth një e treta e këtyre kalimeve të fundit janë bërë nga anije me lidhje me Iranin, sipas këtij raportimi.

Këto përfshijnë 14 anije që lundrojnë nën flamurin e Iranit dhe të tjera që janë nën sanksione për shkak të lidhjeve të dyshuara me tregtinë e naftës së Teheranit.

Nëntë anije të tjera ishin në pronësi të kompanive me adresa të lidhura me Kinën, ndërsa gjashtë kishin Indinë si destinacion.

BBC po ashtu thekson se disa anije që nuk kanë lidhje me Iranin kanë ankoruar në portet e këtij vendi, përfshirë anije në pronësi të kompanive greke.

Disa anije që kanë kaluar me sukses ngushticën duket se po ndjekin një rrugë më të gjatë se zakonisht.

Të dhënat e gjurmimit për një cisternë nafte me flamur të Pakistanit sugjerojnë se ajo ka lundruar pranë bregdetit iranian gjatë kalimit të saj nëpër ngushticë më 15 mars, në vend të rrugës më të përdorur në mes.