Vendi fqinj me Kinën, Vietnami vetëm 270 raste pozitive dhe asnjë vdekje

Gazeta Express

21/05/2020 8:27

Vietnami nuk ka raportuar deri më tani asnjë vdekje nga koronavirusi Covid-19 me vetëm 270 raste pozitive. Ky rezultat është vlerësuar se është arritur fal testimit rapid dhe të gjerë në popullsi.

Në Vietnam numri i popullsisë arrin në rreth 96 milionë njerëz dhe është i vendosur në kufi me vendlindjen e koronavirusit, Kinën. Por deri më tani janë raportuar vetëm 270 raste pozitive, dhe asnjë vdekje shkruan The Hill, transmeton Gazeta Shneta.

Autoritetet shëndetësore kanë testuar mbi 213 mijë njerëz, ndërsa ekspertët kanë deklaruar se numri i vogël i të infektuarve është si rezultat i marrjes së masave të menjëhershme për ndalimin e transportit në vend, karantimin e rasteve, testimin dhe gjurmimin e të infektuarve dhe kontaktet e tyre.

Në Vietnam fluturimet nga jashtë vendit janë ndaluar në fund të muajit mars, ndërsa kufizimi i lëvizjes është bërë që nga data 1 prill dhe sipas raportimeve të mediave, masat pritet të qëndrojnë në fuqi për të paktën edhe 1 javë.

Shteti poashtu ngriti numrin e laboratorëve të testimit nga tre sosh në janar, në 112 në muajin prill duke testuar 791 persona për secilin rast të konfirmuar duke tejkaluar kështu edhe Tajvanin i cili ka realizuar 140 teste për çdo rast pozitiv.

Ka pasur disa spekulime se shifrat në Vietnam nuk janë të vërteta, por ekspertët e CDC-së amerikane kanë thënë se nuk ka ndonjë indikacion se këto shifra nuk janë reale.