Veç dy ndeshje larg Botërorit të parë, Shqipëria e vendosur për fitore në Poloni sonte

Sport

Gazeta Express

26/03/2026 11:26

Njëjtë si Kosova, as Shqipëria s’ka qenë kurrë më afër kualifikimit në një Kampionat Botëror.

Pasi e shijuan dy herë pjesëmarrjen në Kampionat Evropian, Kuqezinjtë janë më të vendosur se kurrë më parë që ta shijojnë edhe aromën e Kupës së Botës, shkruan “Gazeta Express”.

Trupa e Sylvinhos e ka marrë rrugën drejt Varshavës me plot optimizëm që të dalë fitimtare ndaj Polonisë sonte në ndeshjen gjysmëfinale të “play-off’-it të Botërorit.

Përkundër mungesave në sulm, trajneri brazilian e ka menduar mirë ekipin më kompakt të mundshëm për t’ju kundërvënë Robert Lewandowskit me shokë.

Shqipëria është e vetëdijshme se një mundësi si kjo nuk vjen shpesh, prandaj është e vendosur që të tentojë maksimalisht që ta shfrytëzojë atë.

Në rast të fitores sonte, Kuqezinjtë në finalen e së martës tjetër, po ashtu në udhëtim, do të luanin me fituesin e sfidës tjetër gjysmëfinale, Ukrainë – Suedi. /Gazeta Express