Vdes në moshë të re pjestari i Klubit Prishtina

Sport

Gazeta Express

10/12/2025 7:14

Klubi i Prishtinës ka njoftuar se anëtari i stafit nga pjesa e IT , Dren Feratja ka ndërruar jetë.

“Dreni ishte më shumë se një bashkëpunëtor ai ishte mik, mbështetës i palodhur i ekipit dhe person i dashur për të gjithë lojtarët dhe stafin. Me urtësinë, qetësinë dhe pozitivitetin e tij të përhershëm, ai la gjurmë të pashlyeshme në klubin tonë. Do ta kujtojmë gjithmonë për buzëqeshjen e sinqertë, gatishmërinë për të ndihmuar dhe shpirtin e tij të mirë që e sillte çdo ditë në punë”, njofton klubi futbollistik i kryeqytetit, që njëkohësisht ka shprehur ngushëllime për familjen e të riut.