Vdes 73-vjeçarja nga Covid-19, shkon në 20 numri i viktimave të koronavirusit

Gazeta Express

25/04/2020 21:58

Klinika Infektive e QKUK’së ka njoftuar se sonte gjatë mbrëmjes ka vdekur pacientja me iniciale F.G, 73-vjeçare.

Vdekja e 73-vjecarës e çon numrin e të vdekurve nga koronavirusi në Kosovë në gjithsej 20.

Viktima 73-vjecare ishte nga komuna e Shtimes. Ajo është hospitalizuar në Klinikën Ifnektive nga data 20 e këtij muaji.

Përveç koronavirusit, pacientja ishte diagnostikuar edhe me sëmundje të tjera kronike.

Më poshtë gjeni njoftimin e plotë:

Njoftim nga Klinika Infektive-QKUK 25. 04. 2020 Klinika Infektive e QKUK-së ka njoftuar se sonte në mbrëmje (25. 04. 2020) në këtë klinikë ka ndërruar jetë pacientja F.G. (1947), nga komuna e Shtimes. Pacientja është spitalizuar në Klinikën Infektive me datën 20.04.2020, dhe krahas infeksionit COVID-19 ka qenë e diagnostikuar edhe me sëmundje të tjera kronike. Kjo është vdekja e 15 në QKUK nga Covid-19 dhe e njëzeta (20) në nivel vendi nga kjo sëmundje.