Vdekja e policit në Jarinje, Sveçla: Do ta kujtojmë si të përkushtuar e angazhuar në luftë kundër çdo kriminaliteti - Gazeta Express
string(113) "vdekja-e-policit-ne-jarinje-svecla-do-ta-kujtojme-si-te-perkushtuar-e-angazhuar-ne-lufte-kunder-cdo-kriminaliteti"

Lajme

Gazeta Express

10/12/2023 19:03

Vdekja e policit në Jarinje, Sveçla: Do ta kujtojmë si të përkushtuar e angazhuar në luftë kundër çdo kriminaliteti

Lajme

Gazeta Express

10/12/2023 19:03

Ministri i Punëve të Brendshme, Xhelal Sveçla, ka shprehur ngushëllime për vdekjen e policit Rexhep Sejdiu gjatë kohës sa ishte në detyrë në Stacionin e Njësisë së Ndërhyrjes së Shpejtë të Kufirit në Jarinje.

Sveçla thotë se zyrtari policor që vdiq,  ishte i përkushtuar e i angazhuar në luftë kundër çdo kriminaliteti, veçanërisht viteve të fundit në veri.

Lexo Edhe:

“Zyrtari policor Rexhep Sejdiu do të mbetet përherë në mendjet e të gjithë neve që kishim fatin ta takonim gjithnjë në nivel të detyrës e kolegëve që punuan e shërbyen çdo ditë bashkë me të”, shkruan Sveçla.

Ministri thekson se polici Rexhepi para një viti i rezistoi me qëndrueshmëri bllokimit 19 ditor në Jarinje.

Postimi i tij i plotë:

Me pikëllim të thellë kam pranuar lajmin e ndarjes nga jeta të Zyrtarit Policor Rexhep Sejdiu gjatë kohës që ishte në detyrë në Stacionin e Njësisë së Ndërhyrjes së Shpejtë të Kufirit në Jarinje.

Rexhep Sejdiun do ta kujtojmë si zyrtar të përkushtuar e të palodhur, të angazhuar në luftë kundër çdo kriminaliteti veçanërisht viteve të fundit në veriun e vendit tonë si pjesëtar i Njësisë së Ndërhyrjes së Shpejtë të kufirit. Bashkë me kolegët e tij, Rexhepi para një viti i rezistoi me qëndrueshmëri bllokimit 19 ditor në Jarinje pasi kishin arrestuar ish-zyrtarin policor Dejan Pantic.

Zyrtari policor Rexhep Sejdiu do të mbetet përherë në mendjet e të gjithë neve që kishim fatin ta takonim gjithnjë në nivel të detyrës e kolegëve që punuan e shërbyen çdo ditë bashkë me të.

Shpreh ngushëllimet e mia më të sinqerta familjes së tij, nënës, bashkëshortes e fëmijëve të tij. Të gjithë kolegëve e Policisë së Kosovës për humbjen e pjesëtarit të tyre.