Vazhdon seriali i djegieve të makinave në Vlorë. Këtë radhë pronare janë dy gra

Gazeta Express

25/10/2020 9:29

Dy makina janë shkrumbuar gjatë natës në Vlorë. Policia njofton se mjetet kanë qenë të parkuar, kur kanë shpërthyer në flakë, ndërsa iu përkasin dy grave.

Njoftimi i Policisë:
“Në orët e para të mëngjesit të sotëm, në lagjen “Pavarësia” Vlorë, kanë marrë flakë në parkim 2 automjete, ku si pasojë automjeti i markës Smart në pronësi të shtetases K.D., është djegur plotësisht dhe automjeti i markës Volkswagen në pronësi të shtetases F.F., është djegur pjesërisht, dyshohet se ngjarja është aksidentale.

Grupi hetimor po kryen veprimet e mëtejshme në lidhje me ngjarjen e ndodhur”.

(foto ilustruese)