Në Komisionin e Kuvendit për financim dhe buxhet vazhdon debati për Propozim-buxhetin për vitin 2021. Seanca u paralajmërua për ora 11.
Debati i Kuvendit për propozim buxhetin për vitin e ardhshëm filloi javën e kaluar. Ministri i Financave, Fatmir Besimi para deputetëve elaboroi se Propozim-buxheti ka tre qëllime themelore – përforcimin e sistemit të mbrojtjes shëndetësore, përkrahje për stabilizimin ekonomik, si dhe financimin e papenguar të funksioneve themelore të shtetit dhe përkrahje për reformat në jurisprudencë dhe integrimet euratlantike.
“Shëndeti” është fjala kyçe për Propozim-buxhetin për vitin 2021, tha Besimi, duke shtuar se më me rëndësi dhe më prioritar është shëndeti i qytetarëve, ekonomia e shëndoshë dhe financat e shëndosha.
Për opozitën, buxheti i propozuar është joreal dhe tejet partiak dhe me të nuk do të përkrahen sektori real dhe qytetarët, ndërsa për deputetët e mazhorancës, buxheti është kontinuitet i politikave të përgjegjshme dhe amvise të Qeverisë.
Në pajtim me Rregulloren për punë të Kuvendit, debati për Propozim buxhetin zgjat 10 ditë. Në Propozim-buxhetin e Qeerisë janë parashtruar rreth 500 amandamente, prej të cilave pjesa më e madhe nga VMRO-DPMNE-ja.