Vazhdojnë lëkundjet, tërmeti godet përsëri Shqipërinë

Gazeta Express

29/11/2019 9:26

Lëkundjet në Shqipëri nuk kanë të ndalur as në mëngjesin e sotëm.

Para pak minutash, në brigjet e Adriatikut ka ndodhur edhe një tërmet tjetër i magnitudës prej 3.9 shkallë.

Sipas të dhënave të Qendrës Evropiane për Tërmetet, epiqendra ka qenë në det, 33 kilometra larg Tiranës dhe 18 kilometra larg Mamurrasit.

Lëkundjet nuk janë ndalur gjatë tërë natës në Shqipëri, teksa pas mesnatës është raportuar edhe për lëkundje të shkallës mbi 4.5 ballë.