Ushtarët e KFOR’it kryejnë trajnim në identifikimin e ‘‘kërcënimeve shpërthyese’’, detaje

Lajme

Gazeta Express

11/02/2026 16:32

KFOR ka njoftuar për ushtrim që e kanë kryer ushtarët e këtij misioni, në Kampin Novo Selo.

Nga KFOR është thënë se aktivitete të tilla forcojnë mbrojtjen e forcës dhe ruajnë një nivel të lartë gatishmërie operacionale.

Postimi:

Ekipet rumune për Asgjësimin e Mjeteve Shpërthyese (EOD) dhe ekipet italiane K9 nga Grupi i Mbështetjes Logjistike të Përbashkët (JLSG), pjesë e misionit të udhëhequr nga NATO, KFOR, së fundmi zhvilluan trajnim intensiv në Kampin Novo Selo.

Qentë ushtarakë të punës dhe trajnerët e tyre u përqendruan në zbulimin dhe identifikimin e kërcënimeve shpërthyese, duke u mundësuar ekipeve EOD të kryejnë procedura të sigurta neutralizimi.

Aktivitete të tilla forcojnë mbrojtjen e forcës dhe ruajnë një nivel të lartë gatishmërie operacionale, duke pasqyruar përkushtimin e KFOR-it për një mjedis të sigurt dhe të qetë për të gjithë njerëzit që jetojnë në Kosovë.

KFOR-i vazhdon të zbatojë mandatin e tij – bazuar në Rezolutën 1244 të vitit 1999 të Këshillit të Sigurimit të OKB-së – për të kontribuar në një mjedis të sigurt dhe të qetë për të gjithë njerëzit që jetojnë në Kosovë dhe në lirinë e lëvizjes, në çdo kohë dhe në mënyrë të paanshme. KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në rolet e tyre përkatëse si përgjegjës për sigurinë.