Ushtarët amerikanë shënojnë Javën e KFOR-it me rininë e Ferizajt

Lajme

Gazeta Express

12/06/2025 10:26

Ushtarë nga Ekipi Ndërlidhës i Monitorimit të SHBA-së, të caktuar në KFOR, iu bashkuan udhëheqësve dhe vullnetarëve të sektorit të rinisë në Ferizaj për të shënuar Javën e KFOR-it.

Kjo javë, sipas KFOR-it, është një festë e partneritetit të fortë dhe të vazhdueshëm midis KFOR-it dhe popullit të Kosovës.

Duke shpërndarë fotografi nga eventi, KFOR-i deklaroi së vazhdon të ketë angazhim të qëndrueshëm, për të mbështetur të gjitha komunitetet dhe individët në të gjithë Kosovën.

“KFOR-i vazhdon të zbatojë mandatin e tij – bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt për të gjithë njerëzit dhe komunitetet që jetojnë në Kosovë dhe lirinë e lëvizjes, në çdo kohë dhe në mënyrë të paanshme.

KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX) në rolet e tyre përkatëse si reagues të sigurisë” thuhet në deklarim.