Ushqimet që përmirësojnë funksionin e tiroides

Ushqimi/Dieta

Gazeta Express

12/06/2023 19:42

Gjëndra tiroide, një gjëndër e vogël e vendosur në pjesën e përparme të qafës, luan një rol vendimtar në rregullimin e metabolizmit, rritjen dhe zhvillimin.

Fatkeqësisht, shumë njerëz vuajnë nga problemet e tiroides, si hipotiroidizmi ose hipertiroidizmi, të cilat mund të ndikojnë në cilësinë e jetës së tyre.

Për fat të mirë, ka ushqime që mund të mbështesin funksionin e tiroides dhe të nxisin mirëqenien e përgjithshme.

Algat – Nëse vuani nga hipotiroidizmi, algat e detit janë një aleat i shkëlqyeshëm sepse janë ushqime natyrale të pasura me jod, një element i nevojshëm për funksionimin normal të tiroides.

Arra të kripura – Një tjetër ushqim që mund të ndihmojë tiroidet janë arrat. Arrat braziliane, arrat makadamia dhe lajthitë janë burime të mira të selenit, i cili ndihmon në mbështetjen e funksionit të shëndetshëm të tiroides.

Peshku – E njëjta gjë vlen edhe për peshkun, i cili është i pasur me acide yndyrore omega-3 dhe selen, të cilat të dyja ndihmojnë në uljen e inflamacionit. Salmoni, merluci, levreku janë disa nga peshqit e rekomanduar.

Produktet e qumështit – Ndër ushqimet e rekomanduara për të reduktuar inflamacionin e tiroides janë produktet e qumështit si kosi, akullorja dhe qumështi përmbajnë jod, i cili i nevojitet tiroides për të parandaluar ënjtjen e gjëndrave të saj.

Vezët – Vezët e freskëta përmbajnë shumë selen dhe jod, lëndë ushqyese që janë të dobishme për shëndetin e tiroides.

/Shqip.com