Naomi Osaka e ka mposhtur Victoria Azarenkën me rikthim mbresëlënës në një finale dërrmuese në US Open dhe kështu e ka fituar titullin e tretë Grand Slam në karrierë.
22-vjeçarja nga Japonia fitoi 2 me 1 në sete, 1-6 6-3 6-3, duke e siguruar trofeun e dytë në US Open, transmeton Gazeta Express.
Osaka, tenistja e katërt më e mirë në botë, e humbi setin e parë në mënyrë bindëse dhe rrezikoi të ngelte prapa 3:0 në setin e dytë, por tregoi pjekuri të madhe dhe luftoi për t’u kthyer nga gremina duke i fituar 10 prej 12 games të radhës.
31-vjeçarja nga Bjellorusia e humbi shërbimin në momentin vendimtar në setin final, duke i dhënë Osakës mundësi të shërbejë për trofeun.
Kjo ishte finalja e parë për Azarenkën që prej vitit 2013.
Azarenka nuk ishte në gjendje ta ruante gjallërinë pas setit të parë, ndërkohë që Osaka e gjeti formën e saj më të mirë me kalimin e kohës.
Osaka e ka fituar çdo finale në Grand Slam në të cilën është paraqitur, përfshirë US Open 2018 dhe Australian Open 2019. /Gazeta Express/
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...