Universiteti i Stanfordi pushon 360 punonjës pas masave shtrënguese të administratës Trump

Gazeta Express

06/08/2025 19:59

Universiteti i Stanfordit njoftoi të hënën se do të shkurtojë më shumë se 360 vende pune si pjesë e një shkurtimi të gjerë buxhetor nga administrata Trump, e cila ka marrë masa të ashpra ndaj institucioneve që i sheh si shumë progresive.

Universiteti informoi zyrtarët shtetërorë të Kalifornisë në fund të korrikut për planin për të shkurtuar 363 vende pune, sipas dokumenteve zyrtare të para nga AFP. Është i fundit në një seri universitetesh të mëdha amerikane që bëjnë shkurtime punonjësish për shkak të vendimeve të Shtëpisë së Bardhë, pas Harvardit, Kolumbias dhe madje edhe Johns Hopkins.

Këto “masa të vështira” po merren në një “kontekst të vështirë buxhetor që është ndikuar kryesisht nga ndryshimet në politikën federale në arsimin e lartë”, shpjegoi presidenti dhe kancelari i Stanfordit në një shënim për stafin dhe studentët, i cili u botua në faqen e internetit të universitetit.

Përballë shkurtimeve drastike të njoftuara nga administrata Trump, universiteti i Kalifornisë pritet të bëjë një “reduktim prej 140 milionë dollarësh në buxhetin e tij të përgjithshëm për vitin e ardhshëm”, tha gjithashtu administrata.

Universiteti i Stanfordit punësoi më shumë se 18,000 punëtorë këtë vit, sipas faqes së tij të internetit./TCH