Nga sonte në mesnatë, për tre denarë do të lirohen benzina Eurosuper 95 dhe Eurosuper 98, ndërsa dizeli dhe vaji ekstra i lehtë për amvisëri për dy denarë e gjysmë, vendosi sot Komisioni Rregullator për Energjetikë, përcjellë Zhurnal.

Sipas këtij vendimi, çmimi i ri i Eurosuper 95 do të jetë 66,50 denarë, ndërsa Eurosuper 98 do të kushtojë 69 denarë për litër. Çmimi i dizelit do të jetë 60 denarë për litër, derisa i vajit ekstra i lehtë për amvisëri do të kushtojë 49,50 denarë.

Çmimi i mazutit ulet për 1,267 denarë për kilogram kështu që çmimi i saj do të jetë 33,851 denarë për kilogram.

Me këtë vendim më të ri, bëhet ulje e çmimeve me pakicë të derivateve të naftës për 4,18 përqind.