“U testuan dhe dështuan!”- Mundësia e largimit të SHBA nga NATO, Shtëpia e Bardhë: Çështja mund të diskutohet gjatë takimi të sotëm

Lajme

Gazeta Express

08/04/2026 22:01

Presidenti Donald Trump beson se NATO u testua dhe dështoi gjatë luftës me Iranin, deklaroi zëdhënësja e Shtëpisë së Bardhë Karoline Leavitt, në lidhje me mundësinë që SHBA të tërhiqen nga aleanca.

Leavitt shtoi se çështja është diskutuar nga presidenti dhe do të diskutohet së shpejti edhe me Sekretarin e Përgjithshëm të NATO-s, Mark Rutte.

“Kjo është diçka që Presidenti e ka diskutuar. Dhe mendoj se është diçka që Presidenti do ta diskutojë pas disa orësh me sekretarin e Përgjithshëm Rutte. Ndoshta do të dëgjoni drejtpërdrejt nga Presidenti pas atij takimi më vonë këtë pasdite”, u shpreh zëdhënësja e Shtëpisë së Bardhë.

Takimi midis tyre vjen në një kohë të vështirë në marrëdhëniet midis aleancës dhe anëtarit të saj më të madh.

Trump e ka kritikuar vazhdimisht aleancën, duke e quajtur atë një “tigër letre” që nuk ka arritur t’i vijë në ndihmë Amerikës gjatë konfliktit me Iranin.

“Ata nuk kanë qenë miqtë tanë kur kemi pasur nevojë për ta”, i tha Trump së fundmi Reuters.