U paraqit në SPAK, Berisha lexon shënimin që i la kreut të SPAK

Shqiperi

Gazeta Express

19/05/2025 11:15

Kreu i Partisë Demokratike, Sali Berisha, është paraqitur sot në ambientet e Prokurorisë së Posaçme, në zbatim të masës “Detyrim paraqitje” që i është caktuar në kuadër të hetimeve për dosjen “Partizani”.

Pas daljes nga SPAK, Berisha ka bërë publike deklaratën që, sipas tij, i ka lënë kreut të këtij institucioni, Altin Dumani. Në fjalën e tij për mediat, ai theksoi se qëndrimi i Dumanit ndaj çështjes së krimit elektoral është thellësisht i dënueshëm dhe antikushtetues.

“Qëndrimi mbrojtës ndaj krimit elektoral i Altin Dumanit, përbën një krim të rëndë antikushtetues në shërbim të narkoshtetit dhe kreut të tij, Edi Rama. Kjo është deklarata që unë i lashë kreut të Skapit”, deklaroi Berisha.