U kapën me armë, arrestohen e më pas lirohen dy të dyshuarit në Skenderaj

Lajme

Gazeta Express

30/04/2025 12:47

Policia ka njoftuar se dy persona të dyshuar për armëmbajtje pa leje janë arrestuar në Skenderaj.

Ata janë arrestuar derisa policia po kontrollonte veturën ku ishin të dyshuarit.

Pas intervistimit dhe procedurave të tjera me urdhër të prokurorit janë liruar në procedurë të rregullt. 

Njoftimi i plotë:

Policia në Skenderaj  arreston dy persona të dyshuar për armëmbajtje pa leje

Skenderaj 30 prill 2025

Sot, me datë 30 prill 2025,  policia në Skenderaj ka arrestuar dy persona të dyshuar për posedim te armëve pa leje.

Arrestimi i dy të dyshuarve është realizuar  në kohën kurë njësia policore gjatë  kontrollit të një veture  tek  i dyshuari (shoferi)  në posedim është gjetur dhe konfiskuar një armë zjarri e llojit  pistoletë me shtatë fishek, ndërsa tek i dyshuari tjetër pasagjeri është gjetur një mjet i mprehtë (thikë).

Dy të dyshuarit pas intervistimit dhe procedurave të tjera me urdhër të prokurorit janë liruar në procedurë të rregullt. 

Ndaj të dy të dyshuarve është  iniciuar rastet për veprën penale ,,Mbajtje në pronësi ,kontroll ose posedim të paautorizuar të armëve”.