Turqia bën thirrje për bisedime SHBA-Iran si e vetmja rrugë për zgjidhjen e çështjes bërthamore

Lajme

Gazeta Express

21/06/2025 19:13

Presidenti i Turqisë, Recep Tayyip Erdogan, i ka thënë ministrit të jashtëm të Iranit se rifillimi i bisedimeve bërthamore me Shtetet e Bashkuara është e vetmja mënyrë për të zgjidhur konfliktin me Izraelin dhe mosmarrëveshjen për programin bërthamor të Iranit, sipas agjencisë së lajmeve Reuters.

Erdogan u takua sot në Stamboll me Abbas Araqchi dhe deklaroi se Turqia është e gatshme të luajë rolin e ndërmjetësuesit për të ndihmuar në rifillimin e negociatave mes Iranit dhe SHBA-së, raporton BBC, përcjell Gazeta Express.

Presidenti turk gjithashtu tha se vendimi i Izraelit për të sulmuar Iranin pak para rifillimit të bisedimeve me Shtetet e Bashkuara ishte një akt sabotimi.