Ekipet shqiptare shpëtojnë të miturin, nxirren 3 viktima nga rrënojat në Turqi

Shqiperi

Gazeta Express

08/02/2023 15:56

Ekipet e kërkim-shpëtimit në Turqi prej tre ditësh po luftojnë për nxjerrjen e njerëzve nga rrënojat dhe shpëtimin e tyre.

Në luftë edhe me temperaturat e ulëta ekipet kanë mundur të shpëtojnë shumë njerëz, ashtu si edhe në rastin e trupave shqiptare, të cilët në mesditë arritën të nxirrnin të gjallë nga rrënojat një 5-vjeçar në Malatya të Turqisë.

I mituri ishte në gjendje të mirë shëndetësore pavarësisht orëve të gjata nën rrënoja.

Lajmi u bë i ditur nga Ministria e Mbrojtjes, e cila po ashtu tha se deri më tani janë nxjerrë dhe 3 trupa të pajetë. Pjesëtarët e ekipit tonë shëndetësor kanë asistuar edhe në dhënien e ndihmës shëndetësore për dhjetëra persona të lënduar.

Ndërkohë, në Turqi ka mbërritur edhe kontingjenti i dytë i forcave shqiptare. Në total Shqipëria ka dërguar 73 trupa të shpëtim kërkimit dhe njësisë ushtarake të shëndetësisë