Trump shpreson që Kina të blejë më shumë naftë nga SHBA, thekson që ia mundësoi tregtinë me Iranin

Lajme

Gazeta Express

24/06/2025 17:07

Gjatë rrugës për në samitin e NATO-s, presidenti amerikan Donald Trump ka deklaruar se “tani Kina mund të vazhdojë të blejë naftë nga Irani”, një zhvillim që, sipas tij, është bërë i mundur falë ndërhyrjes së tij personale.

Trump po ashtu ka shprehur shpresën që Kina të rrisë blerjet e saj të naftës edhe nga Shtetet e Bashkuara.

“Kina tani mund të vazhdojë të blejë naftë nga Irani. Shpresoj që të blejë shumë edhe nga SHBA. Ishte një Nder i Madh për mua që e bëra të mundur këtë gjë,” ka shkruar Trump në Truth Social.

Deklarata e tij vjen vjen pas arritjes së një armëpushimi mes Izraelit dhe Iranit, e poashtu në një kohë të tensionuar për tregjet ndërkombëtare të energjisë.