Trump shkruan thjesht “OBAMAGATE” në Twitter, ja çfarë do të thotë ky mesazh

Gazeta Express

11/05/2020 7:42

Mbrëmë, presidenti amerikan Donald Trump ka postuar në Twitter një fjalë të vetme: “OBAMAGATE”. Por ç’kuptim ka ajo?

Çdo fjatë që shoqërohet me “gate” nënkupton se bëhet fjalë për fakte të reja të dala nga një çështje që përbën skandal.

Në rastin në fjalë, Trump i referohet një episodi të transmetuar ditën e djeshme në “Watters World”, në Fox News.

Gazetari Jesse Watters tha se administrata e Barack Obamës ishte e informuar që nuk kishte asnjë përplasje mes Trump dhe Rusisë, megjithatë vendosi të vazhdojë me hisorinë e “skandalit” të ndërhyrjes së rusëve dhe lidhjen e Trump me rusët.

Burimet për Watters’ World thanë se Prokurori i Përgjithshëm i Shteteve të Bashkuara William Barr ka siguruar një sërë dokumentesh “bombë” që mund zbulojnë lidhjet e forta të Obamës me “Spygate” dhe “Mashtrimin rus”.