Trump reagon pas fitores së CDU/CSU: Ditë e madhe për Gjermaninë dhe SHBA’në nën udhëheqjen e zotëriut Donald Trump

Lajme

Gazeta Express

23/02/2025 21:25

Presidenti i Shteteve të Bashuara të Amerikës, Donald Trump ka dhënë reagimin e tij për fitoren e dukshme të konservatorëve këtë mbrëmje.

Sondazhet e daljes sugjerojnë se CDU/CSU do të marrë një përqindje rreth 30%.

Presidenti amerikan tha se ishte një “ditë e madhe” për Gjermaninë, ka raportuar Sky Neës, transmeton Gazeta Express.

“Duket se partia konservatore në Gjermani ka fituar zgjedhjet shumë të mëdha dhe shumë të pritura. Ashtu si në SHBA, populli gjerman u lodh nga një agjendë pa sens të përbashkët, veçanërisht në lidhje me energjinë dhe emigracionin, që ka mbizotëruar për kaq shumë vite. Kjo është një ditë e madhe për Gjermaninë dhe për Shtetet e Bashkuara të Amerikës nën udhëheqjen e një zotërie të quajtur Donald J. Trump. Urime për të gjithë – shumë fitore të tjera do të vijnë!”, ka shkruar Trump.