Tre punonjës të qendrës së lojërave Disneyland në Paris, kanë rezultuar pozitivë në testet e koronavirusit, shkruan Dailymail, transmeton Express.
Ata ishin të diagnostikuar me këtë virus, vetëm pak ditë pasi ishin vendosur në karantinë.
Para disa ditëve, në po të njëjtën qendër ishte diagnostikuar një punonjës tjetër, i cili fatmirësisht nuk kishte pasur kontakt me vizitorët dhe ishte izoluar menjëherë pas paraqitjes së simptomave të para. Disneyland në Paris, pranon përafërsisht 15 milion vizitorë për gjatë një viti.
Kjo qendër ka mbyllur disa hyrje, për të zvogëluar numrin e vizitorëve dhe për të parandaluar përhapjen e mëtejshme të virusit COVID-19. Masat e tjera që janë ndërmarrë në disa vende të tjera publike janë vendosja e shumë dezinfektuesve përgjatë gjithë hapësirës dhe kontrollimi i vazhdueshëm i njerëzve.
Ekspertët përpos këtyre masave, kanë bërë thirrje që të mbyllen të gjitha këto vende publike, sidomos ne shtetet ku koronavirusi tanimë ka prekur një numër të konsiderueshëm të njerëzve, në mënyrë që të shmanget përhapja e mëtejmë e tij. /Express
Çdo shtëpi është një hapësirë që duhet të jetë komode dhe e organizuar, për të lehtësuar jetën tonë të...