Trajneri i Bilbaos për kartonin e kuq mbrëmë: Ishte dënim i tepërt!

Futboll

Gazeta Express

02/05/2025 9:05

Klubi Athletic pritet të humbasë mundësinë për të luajtur në finalen e Europa League në “San Mamés”, pas humbjes 3-0 ndaj Manchester United në ndeshjen e parë gjysmëfinale. Los Leones kishin shpresuar që kjo të mos ishte ndeshja e tyre e fundit këtë sezon në stadiumin e tyre, por përveç një rikthimi të mrekullueshëm, kjo do të jetë.

Sipas Diario AS, trajneri i Athletic Bilbao, Ernesto Valverde, dha vlerësimin e tij për ndeshjen. Ai pranoi se Manchester United ishte thjesht më efikas se skuadra e tij.

“Nuk menaxhuam mirë golin e parë, atë tension. Dhe kartoni i kuq dhe penalltia e kushtëzuan ndeshjen. Ishim mirë kur ishim 11 kundër 11 dhe patëm raste, por nuk i konkretizuam. Kur humb 0-3 do të thotë që ata kanë qenë të suksesshëm dhe ne jo, në rastet që patëm. Këto ekipe si Manchester United nuk të falin, janë shumë të sigurt në pjesën e fundit të fushës. Duhet të mësojmë nga gjëra të tilla.”

Valverde foli edhe për momentin vendimtar të ndeshjes, që ishte kartoni i kuq për Dani Vivian, i cili ndodhi në të njëjtën fazë me golin e dytë të United. Sipas tij, vendimi për karton të kuq ishte i gabuar.

“Protestuam për një prekje të mëparshme me dorë, që mendoj se gjyqtari e dha, loja vazhdoi dhe mendova se penalltia ishte një prekje më e qartë me dorë (nga Garnacho). Ishte një dënim i tepërt – jo vetëm për rezultatin 0-2, por edhe për të luajtur pa Vivian, me 10 lojtarë.

Valverde komentoi gjithashtu edhe për ndeshjen e kthimit javën e ardhshme në “Old Trafford”, duke pranuar se nuk do të dorëzohet për të arritur finalen e Europa League.

“Është e qartë që kemi marrë një rezultat shumë të keq, por duhet të luajmë për përmbysjen. Nuk do të dorëzohemi për asgjë, pavarësisht se kemi një rezultat shumë të pafavorshëm.”