Traileri për filmin më të ri të Christopher Nolan publikohet në Fortnite - Gazeta Express

TV/Film

Gazeta Express

22/05/2020 14:15

Traileri për filmin më të ri të Christopher Nolan publikohet në Fortnite

TV/Film

Gazeta Express

22/05/2020 14:15

Regjisori i filmave Inception, Memento e Dark Knight, ka gati për shfaqje filmin e tij më të ri, Tenet.

Christopher Nolan, një nga përkrahësit më të mëdhenj nga Hollivudit të përvojës teatrale, është regjisori i fundit për të parë filmin e tij të marrë trajtimin Fortnite.

Traileri i fundit për filmin e tij të ardhshëm, Tenet, debutoi në Fortnite të enjten, përcjell Gazeta Express.

Edhe pse dihet shumë pak për filmin, Tenet përshkruhet si një film i vendosur brenda botës së spiunazhit ndërkombëtar, dhe traileri i parë e materiali i marketingut për filmin ka luajtur një koncept në të cilin koha ecën përpara dhe prapa – prandaj edhe titulli është një palindromë.

Në trailer shfaqet në personazhi kryesor, ai i John David Washington ndërsa mëson të prish kohën, me kunjat e botës dhe të ardhmen në duart e tij.

Nolan njihet për temat e thella e psikologjike në filmat e tij, të cilat i filloi me filmin ‘Memento’, ku e gjithë ngjarja tregohet nga fundi tek fillimi, për të vazhduar më pas me ‘Inception’, ku personazhi kryesor mund të ndikojë në mendjen e njerëzve duke hyrë në ëndrrat e tyre.

TENET – NEW TRAILER

‘Tenet’ duket të jetë filmi i radhës i këtij lloji dhe fansat mezi presin ta shohin në kinema.

Në trailer mungon një datë specifike e fillimit të shfaqjes së filmit, por ai është planifikuar të fillojë shfaqjet më 17 korrik, sipas materialit të marketingut që u postua në Twitter, pas publikimit të trailerit.

Ky pritet të jetë filmi i parë që do të shfaqet në kinematë botërore në kohë të pandemisë./Gazeta Express/