Tomori mund të mbetet në Milan

Futboll

Gazeta Express

02/03/2021 17:30

“Rossoneri” janë të interesuar ta blejnë përfundimisht qendërmbrojtësin anglez, i cili po bën paraqitje solide në Milano

Fikayo Tomori mund të mbetet përfundimisht në Milan.

Qendërmbrojtësi anglez aktualisht është i huazuar në Itali nga Chelsea.

Dhe, mediat italiane raportojnë se 23 vjeçari i ka bindur “Rossoneri” me paraqitjet e tij, shkruan Gazeta Express.

Prandaj, Kuqezinjtë po e shikojnë mundësinë e blerjes së kartonit të futbollistit gjatë verës që vjen.

Përfaqësuesi anglez nuk kishte hapësira të mjaftueshme në “Stamford Bridge” dhe e zgjodhi Milanin për të luajtur në vazhdimësi.

Me një ofertë të kënaqshme, Chelsea do të ishte i gatshëm ta shesë Tomorin. /Gazeta Express/