Tom Hanks, me një pasuri prej 400 milionë dollarësh, shihet duke udhëtuar me Metro në New York

Yjet

Gazeta Express

08/10/2025 19:28

Edhe pse është një nga yjet më të mëdhenj të Hollywood-it dhe fitues i çmimit Oscar, Tom Hanks dëshmoi sërish se thjeshtësia është një nga cilësitë që e bëjnë të dashur për publikun.

Aktori 69-vjeçar u fotografua këtë javë duke përdorur metronë e Nju Jorkut, duke i dhuruar udhëtarëve një surprizë të papritur.

I veshur thjeshtë, me një xhaketë të errët mbi një pulovër gri, pantallona të zeza dhe një kapele bejsbolli të Yankees në ngjyrë ulliri, Hanks dukej si çdo pasagjer tjetër. Legjenda e filmit Forrest Gump kishte vendosur gjithashtu syze transparente dhe një maskë mbrojtëse që mbulonte pjesërisht fytyrën e tij.

Dëshmitarë nga metroja treguan se aktori qëndroi pranë dyerve, i qetë dhe i buzëqeshur, ndërsa shikonte rreth e qark vagonin e mbushur. Disa pasagjerë me sy të mprehtë arritën ta njihnin dhe të bënin disa fotografi, të cilat menjëherë u shpërndanë në rrjetet sociale duke shkaktuar reagime të shumta.

Hanks nuk është i vetmi yll i Hollywood-it që preferon herë pas here transportin publik në Manhattan. Kohët e fundit edhe Harrison Ford është parë duke udhëtuar me metro, duke treguar se edhe personalitetet e famshme nuk janë gjithmonë të lidhura me luksin.

Kjo paraqitje publike e aktorit vjen vetëm disa muaj pas botimit të kujtimeve të vajzës së tij, E.A. Hanks, e cila solli në dritë detaje nga fëmijëria e saj dhe marrëdhëniet e ndërlikuara të prindërve. Në librin e saj, ajo rrëfen periudha të vështira pas ndarjes së Hanks me aktores së ndjerë Samantha Lewes, e cila ndërroi jetë në vitin 2002 pas një beteje me kancerin.

Tom Hanks, i njohur për rolet ikonike në filma si Forrest Gump, Cast Away, Saving Private Ryan dhe Philadelphia, ka ndërtuar një karrierë të gjatë dhe të respektuar, ndërkohë që pasuria e tij neto vlerësohet rreth 400 milionë dollarë. Megjithatë, pamjet e fundit tregojnë se për aktorin e madh amerikan, fama dhe pasuria nuk e kanë ndryshuar mënyrën e tij të thjeshtë të të jetuarit. /GazetaExpress/