Tjetër medalje për Kosovën, Loriana Kuka e bronztë në Budapest

Gazeta Express

25/10/2020 17:56

Edhe një medalje për Kosovën. Pas Distria Krasniqit, medalje në Budapest ka fituar edhe Loriana Kuka. Kuka e rrëmbeu medaljen e bronztë, derisa ditë më parë Distria fitoi të artën.

Kosova e ka fituar edhe një medalje në Grand Slamin e xhudos në Budapestit, që përfundon sot.

Loriana Kuka ka fituar medaljen e bronztë në kategorinë deri 78 kilogramë.

Në luftë për vend të tretë, Loriana e mposhti rusen Antonina Shmeleva, për t’u shpërblyer për punën e gjatë muajve të fundit, pasi ishte gara e parë pas pandemisë që paralizoi gjithë botën.

Në Budapest, medalje ka fituar edhe Distria Krasniqi.

Ajo ka rrëmbyer të artën të premten. /Gazeta Express/