Tifozët holandezë janë treguar të dhunshëm në disa raste, në vizitën që ia bënë Shqipërisë.
Ata janë përleshur me policinë shqiptare të martën mbrëma, ndërsa problemet nuk u ndalën as mbrëmë, në natën e ndeshjes finale të Europa Conference League që e zhvilloi ekipi i tyre i zemrës, Feyenoord ndaj Romës.
Në fakt, tifozët holandezë me raste i kanë sulmuar edhe tifozët shqiptarë, shkruan “Gazeta Express”.
Një prej tyre pardje e kishin bërë për spital në një kafene, kurse mbrëmë ka ndodhur sulmi tjetër ndaj vendësve.
Siç raporton Top Channel përmes një videoje të publikuar në Youtube, një shqiptar u sulmua dhe u rrah nga tifozët holandez në pedonalen e Tiranës.
Në video shihet se si një grup personash e sulmojnë shqiptarin, i cili ikën me vrap drejt policisë për të shpëtuar.
Më pas, tifozët u ndalën dhe situata u vu nën kontroll nga policia. /Gazeta Express/