Tifozët e Man Utd zemërohen me Amad, shkaku i Garnacho

Futboll

Gazeta Express

21/09/2025 13:19

Manchester United arriti një fitore të rëndësishme ndaj Chelsea-t të shtunën në mbrëmje, por një moment pas ndeshjes ka shkaktuar reagime të forta nga tifozët e Red Devils në rrjetet sociale.

Në ndeshjen e zhvilluar në Old Trafford, Chelsea u reduktua në 10 lojtarë që në minutën e pestë pas një faulli të Robert Sanchez ndaj Bryan Mbeumo. United shënoi dy gola përmes Bruno Fernandes dhe Casemiro, ndërsa më vonë Casemiro u ndëshkua me karton të kuq për dy gabime të mëparshme.

Në pjesën e dytë, Chelsea arriti të ngushtojë rezultatin me golin e Trevoh Chalobah, por Man Utd mbajti avantazhin dhe fitoi 2-1, duke e çuar në vendin e 10-të në tabelën e Premier League.

Momenti që shkaktoi zemërim

Pas ndeshjes, Amad Diallo publikoi një foto në rrjetet sociale ku shfaqej me Alejandro Garnacho, i cili gjatë verës u largua nga Old Trafford drejt Stamford Bridge.

Në foto, dy lojtarët shfaqeshin duke mbajtur fanellat e njëri-tjetrit, një gjest miqësor që tifozët nuk e pritën mirë.

Reagimet nuk munguan:

Një tifoz shkroi: “Duhet të ndalojmë këtë, nuk ka miq para dhe pas ndeshjes. Nuk duhet të buzëqeshim dhe të bëjmë foto.”

Një tjetër komentoi: “Nuk duket mirë Amad…”

Një tifoz i tretë ironizoi: “Shumë mirë! Thuaj Chelsea-t ta marrë atë më mirë.”

Një tjetër shtoi: “Nuk duket aspak mirë për Amad, të paktën.”

Disa fansa e mbronin lojtarin: “Lëreni të shkojë, nuk është asgjë e madhe, janë miq të ngushtë.”

Mëngjesin e së dielës, duket se Amad ka fshirë story-n dhe të gjitha postimet e tij në Instagram.

Shpjegimi i Enzo Maresca për mungesën e Garnacho

Megjithëse Chelsea tentoi të rikuperonte ndeshjen, trajneri Enzo Maresca vendosi të mos aktivizonte Garnacho-n, duke preferuar Tyrique George përpara argjentinasit.

Pas ndeshjes, Maresca shpjegoi:

“Garnacho ishte gati për të hyrë, por pastaj Wes [Fofana] kërkoi ndryshimin sepse ishte i lodhur. Ne bëmë ndryshimin dhe vendosëm të fusim Malo Gusto, ideja ishte të jepnim minutat Garnachos.” /GazetaExpress/