Tifozët belg pastrojnë borën me duar për tu mbajtur ndeshja

Sport

Gazeta Express

16/02/2026 8:03

Tifozët “vjollcë” hynë në stadium për të pastruar borën në mënyrë që skuadra e tyre të luante kundër La Louvière.

Tifozët e Anderlehtit treguan përkushtimin e tyre para ndeshjes kundër La Louvière në një mënyrë të papritur. Për shkak të reshjeve të dendura të borës, fusha u mbulua plotësisht, duke rrezikuar fillimin e ndeshjes së kampionatit belg.

Stafi i stadiumit filloi punën për pastrimin e borës, por ndihma e vullnetarëve shtesë ishte thelbësore. Disa tifozë në tribuna morën lopata dhe karroca dore dhe ndihmuan në pastrimin e borës, shkruan TopChannel.

Videot dhe fotot që qarkullojnë në mediat sociale tregojnë tifozët dhe stafin e stadiumit duke punuar së bashku për të pastruar borën.