Tielemans e dëshiron vetëm transferimin te Arsenali

Sport

Gazeta Express

02/07/2022 9:30

Youri Tielemans vazhdon të jetë i lidhur me një transferim te Arsenali.

Madje, sipas gazetarit, Ben Jacobs, lojtari e dëshiron transferimin në “Emirates Stadium” këtë verë, transmeton Gazeta Express.

Tielemans thuhet se ka rënë dakord për kushtet personale, por “Topçinjtë” ende nuk kanë dërguar ofertë për të te Leicester City.

Drejtori sportiv i klubit nga Londra, Edu, thuhet se ende është duke menduar nëse do të vazhdojë për mesfushorin belg, për të arritur pastaj marrëveshje edhe me Leicesterin.

Duke u bazuar në raportimin e Jacobsit, nëse Tielemans largohet nga “King Power Stadium”, do largohet vetëm për t’iu bashkuar Arsenalit.

Ndryshe, 25-vjeçarit kontrata i skadon më 30 qershor 2023. /Gazeta Express/