“Ti meriton një më të mirë se unë” – Çfarë po ndodh mes Eglit dhe Gjestit?

TV/Film

Gazeta Express

09/04/2025 20:52

Gjesti dhe Egli vazhdojnë të lënë pezull marrëdhënien e tyre brenda shtëpisë së “Big Brother VIP 4”

Gjesti dhe Egli vazhdojnë të lënë pezull marrëdhënien e tyre brenda shtëpisë së “Big Brother VIP 4”, duke krijuar konfuzion jo vetëm mes tyre, por edhe te publiku dhe fansat.

Këngëtari në një moment i shprehu Eglit se kishte ndjenja për të dhe se e konsideronte si “të dashur”. Por, vetëm një ditë më vonë, qëndrimi i tij ndryshoi rrënjësisht.

“Mos fol pa lidhje. Pse të kruhet me u zënë me mua, ça ke? Pse nuk do me rri mirë. Shpirtin ma këput, tmerr. Je shumë e mirë, seriozisht. Unë ty nuk të meritoj, të kam treguar. Me të rrejt, nuk të rrej”, shpreh ai, duke lënë të kuptohet një tërheqje nga afrimiteti i mëparshëm.

Reagimi i Eglit nuk vonoi: “Këtë e dimë të dy ne, po zemra nuk pyet”.

“Nuk të meritoj hiç, janë gjëra që shihen. Ti e meriton një më të mirë se unë, meriton lumturinë e botës. Unë e di që do e gjesh lumturinë e botës”, i tha ai banores.

“Si është e mundur që një natë më parë më thua se jam e dashura jote, dhe të nesërmen më thua se do ta gjej lumturinë tjetërkund?”, iu kundërpërgjigj Egli.