Thirrje për përkrahje financiare të blerjes dhe botimit të librave nga MKRS

Arte

Gazeta Express

31/01/2024 14:41

Ministria e Kulturës, Rinisë dhe Sportit ka shpallur thirrje publike për përkrahje financiare të blerjes dhe botimit të librave si dhe botimit të revistave letrare.

Përmes konkursit për blerjen e librave për vitin 2024 do të mbështeten për blerje:

– Vepra me vlerë kulturore artistike dhe kombëtare;

– Përkthime të cilat paraqesin arritje të përgjithshme artistike;

– Vepra të botuara në dy vitet e fundit nga botues të regjistruar në Republikën e Kosovës

Përmes konkursit për botimin e librave për vitin 2024 do të mbështeten për botim:

– Veprat e pabotuara të të gjitha gjinive letrare;

– Përkthimet e veprave kulmore dhe përkthimet e veprave vendore në gjuhë të huaja:

– Kompletet e veprave të zgjedhura të autorëve të spikatur.

Përmes konkursit për përkrahjen e botimit të revistave letrare, revistat duhet të përmbushin kriterin e kultivimit të vlerave letrare, artistike e kulturore.

Projektet me dokumentacionin e kërkuar dorëzohen në dy kopje deri më 29 shkurt 2024 në ora 16:00, në Arkivin e Ministrisë së Kulturës, Rinisë dhe Sportit, zyra nr. 022.

/Express