Theret me thikë një person në Lipjan, i dyshuari arrestohet, policia jep detaje

Lajme

Gazeta Express

29/07/2025 23:07

Një person është therur me thikë në orët e pasdites në Lipjan.

Lajmin për Gazetën Express e ka konfirmuar zëdhënësi i Policisë së Kosovës për rajonin e Prishtinë, Enis Pllana.

“Rreth orës 18:30, kemi pranuar informatën për një person të lënduar, në rrugën Fehmi Agani në Lipjan.  Viktima dyshohet të jetë lënduar nga një mjet i mprehtë dhe i njëjti është dërguar për trajtimin e nevojshëm mjekësor”, tha Pllana.

Ai ka bërë të ditur se në lidhej me rastin një person është arrestuar dhe me vendim të prokurorit i njëjti është dërguar në mbajtje.