Theret me thikë një mësues në një kolegj në Essen, Bild: Sulmuesi dyshohet se është 18 vjeçar nga Kosova

Lajme

Gazeta Express

05/09/2025 11:41

Një sulm me thikë në një park të një kolegji në Essen të Gjermanisë ka trazuar gjithë qytetin dhe ka alarmuar gjithë autoritetet gjermane, shkruan Gazeta Express.

Siç raporton gazeta gjermane BILD, një nxënës sulmoi një mësues me thikë në parkun e kolegjit në lagjen Nordviertel të Essenit ( North Rhine-Westphalia ).

Plaga me thikë thuhet se ka qenë në stomak dhe se viktima aktualisht po trajtohet për lëndime të rënda dhe është planifikuar t’i nënshtrohet një ndërhyrjeje kirurgjikale urgjente në spitalin universitar. Ende nuk është e qartë nëse jeta e tij është në rrezik.

Sipas BILD, sulmuesi është një 18-vjeçar shqiptar i Kosovës dhe është nxënës në shkollë.  

“Dyshohet se ai iu afrua mësueses dhe e goditi me thikë. Ai iku menjëherë pas sulmit”, shkruan Bild.de./GazetaExpress/