Thaçi dekoroi ambasadorin Grenell me Medaljen Presidenciale të Meritave - Gazeta Express

Thaçi dekoroi ambasadorin Grenell me Medaljen Presidenciale të Meritave

Lajme

Gazeta Express

21/09/2020 19:43

Presidenti Hashim Thaçi e ka dekoruar me Medaljen Presidenciale të Meritave të dërguarin special të Presidentit të SHBA’së për dialogun Kosovë-Serbi, ambasadorin Richard Grenell.

Thaçi tha se me këtë vlerësohet kontributi i jashtëzakonshëm i Grenell në dialogun ndërmjet Kosovës dhe Serbisë.

“Atë që të tjerët s’e bënë Grenell e bëri shpejt, mirë dhe saktë”, tha Thaçi.

“Marrëveshja në Shtëpinë e Bardhë do të sjellë paqe dhe stabilitet në Kosovë dhe rajon”, shtoi i pari i vendit.

“Jam krenar që kemi punuar ngushtë për rreth dy vite për të arritur këtë marrëveshje”, tha Thaçi.