Terminet për letërnjoftim, patentë shoferi dhe pasaportë mund të caktohen sërish online

Maqedoni

Gazeta Express

12/07/2025 14:18

Ministria për Transformim Digjital informon se aplikacioni elektronik për caktimin e terminit për nxjerrjen e dokumenteve personale është sërish i disponueshëm përmes portalit të shërbimeve elektronike uslugi.gov.mk, transmeton Portalb.mk.

„Me kërkesë të shumë qytetarëve dhe të nxitur nga mediat, e bëmë sërish të qasshme aplikacionin elektronik për caktimin e terminit për letërnjoftim, pasaportë dhe patentë shoferi“, njoftoi ministri Stefan Andonovski në Facebook.

Ai shtoi se me këtë iniciativë vazhdon misioni për digjitalizimin e administratës publike.