Tentoi të vrasë gruan nga xhelozia, shqiptari e qëlloi italianin 20 herë më thikë

Shqiperi

Gazeta Express

08/05/2023 13:03

Detaje të reja janë zbardhur nga ngjarja e rëndë në Itali ku një 45-vjeçar la të vdekur vajzën e tij, një shtetas italian dhe plagosi gruan.

Mësohet se Taulant Malaj e goditi më shumë se 20 herë me thikë 51-vjeçarin italian Massimo De Santis, me të cilin dyshonte se kishte lidhje dashurie bashkëshortja e tij Tefta.

Mediat italiane kanë publikuar detaje nga ekspertiza e hetuesve, të cilët thonë se për shkak të goditjeve të shumta, trupi i italianit ishte i coptuar.

Thika e tij i shkaktoi plagë të rënda edhe të bijës 16-vjeçare Xhesika, e cila sipas mediave ndërroi jetë gjatë rrugës për në spital.

Bashkëshortja e tij, 39-vjeçarja Tefta Malaj u plagos po ashtu me thikë në ngjarjen e rëndë të së Dielës dhe aktualisht ndodhet në sptial jashtë rrezikut për jetën.

Në videon e xhiruar prej vetë autorit pas krimit, pasi shprehet me gjakftohtësi se i kishte masakruar të gjithë, kërkon të birin 5-vjeçar, i cili nuk ndodhej në shtëpi me familjarët e tjerë.

Siç shkruajnë mediat italiane, çifti ishte në proces divorci. Fqinjët thonë se 45-vjeçari shqiptar kishte kohë që ishte larguar nga banesa dhe nuk jetonte më me bashkëshorten dhe fëmijët.