Temperatura të larta në ditët në vijim, ISHP- qytetarëve: Pini sa më shumë ujë, mos dilni në këtë orar

Shqiperi

Gazeta Express

22/06/2021 12:28

Vendi jonë prej disa ditësh është nën ndikimin e masave të ngohta ajërorë që po përhapen nga Afrika në Mesdheun Qendror e Lindor, por edhe ne Europën Veriore.

Temperaturat janë të larta e teksa raportohet se në ditët në vijim do të arrijë deri në 42 °C.

Në lidhje me këtë ka reguar edhe Instituti i Shëndetit Publik, i cili u kërkon qytetarëve që të mbrojnë shëndetin në këto ditë të nxehta.

ISHP ka listuar disa këshilla për qytetarit, dhe u bën thirrje për kujdes. Ndër këshillat është që të pihet sa më shumë ujë dhe të shmangen lëvizjet nga ora 11:00 -17:00.