Teatri nga nesër fillon transmetimin e shfaqjeve livestream - Gazeta Express

Arte

Gazeta Express

02/04/2020 23:52

Teatri nga nesër fillon transmetimin e shfaqjeve livestream

Arte

Gazeta Express

02/04/2020 23:52

Teatri Kombëtar i Kosovës ka lajmëruar me anë të një lajmërimi në Facebook se do të fillojë transmetimin live të shfaqjeve

Ushtrues i detyrës së Teatri Kombëtar, Adrian Morina ka shkruar se pandemia COVID: 19 ka bërë që shumë shfaqje që ishin në repertor në këtë teatër të shtyhen.

Megjithatë, ata tani janë bërë bashkë që të ndajnë të qeshurat, emocionet, dhimbjet, përjetimet, lotët me publikun por përmes ekraneve. /GazetaExpress/

Më poshtë njoftimi i Teatrit të Kobëtarë të Kosovës.

Njoftim për shfaqjet livestream nga Teatri Kombëtar i Kosovës

Të dashur adhurues të teatrit,

Me repertorin e pezulluar, premierat e shtyera, provat e anuluara, me mbylljen e teatrit për një kohë të pacaktuar, aktorët, punëtoret dhe menaxhmenti i Teatrit Kombëtar i Kosovës, ndihet në faj dhe i pafuqishëm që nuk është me ju në çdo mbrëmje në sallën e TKK-së. Nuk jemi bashkë që të ndajmë të qeshurat e hareshme nga komeditë e repertorit tonë, të ndajmë emocionet, përjetimet, dhimbjet, lotët, por edhe momente gëzimi, ashtu siç bënim përnatë. Të ndjerë gati të paforcë, por jo të dorëzuar, edhe ne edhe ju, jemi ngujuar nëpër shtëpitë tona duke respektuar shëndetin e njëri tjetrit por edhe shtetin në përgjithësi. “Mos pyet cfarë ka bërë shteti për ju, por cfarë keni bërë ju për shtetin?!”. Institucionet shtetërore nuk kanë kërkuar kurrë më pak prej nesh, vetëm të qëndrojmë në shtëpitë tona. Mirëpo le ta dijë COVID-19; le ta dijë edhe shteti por edhe secila forcë tjetër, se nuk mund ta ndalin teatrin. Teatri ka ekzistuar para nesh dhe do të ekzistojë përjetësisht.

Në pamudësi për të qenë bashkë me ju çdo mbrëmje në sallën e teatrit, ne do të sjellim teatrin nëpër shtëpitë tuaja.

Këtë të premtë (03.04.2020), në ora 20.00, në faqen e Facebook-ut, të Teatrit Kombëtar të Kosovës, do të sjellim (livestream) superkomedinë “I ligu për mend”, nga Gjergj Fishta, me regji të Altin Bashës.

Ndërsa ditën e shtunë (04.04.2020), në ora 20.00 për ju do të shfaqim një nga produksionet tona më të mira të mjeshtrit të madh William Shekspeare “Tregtari i venedikut”, me regji të Mathew Lenton. Dhe kështu do të vazhdojmë edhe gjatë javëve që vijnë.

Jemi me shpresë se kjo praktikë të dështoj sa më shpejtë dhe së bashku t’i rikthehemi shtëpisë sonë të shenjtë, TEATRIT.

Me respekt,

Adrian Morina

U.D.  I drejtorit artistik